Bazkideei elkarrizketak

Azken urte hauen ondoren, jarduerari berriro ekitea eta gure esparruan genituen ideiak eta kezkak martxan jartzea lortu dugu guztion artean. TOPAKETAK, FOROAK, ELKARRIZKETAK egin ditugu, Senegalgo emakume ekintzaileekin LANKIDETZA PROIEKTUAK garatzen jarraitu dugu, hainbat diziplinatan TREBATU gara, ENPRESARIAK jaio da eta ASPEGI SARIAK ospatu ditugu gure Lurraldearen (Gipuzkoa) hazkundean ekarpen handia egiten duten emakume enpresari, zuzendari eta profesionalak saritzeko.

Otsailaren 24an, ASPEGI SARIEN VII. edizioarekin hasi giñen. Concha Vidales Moreno, DNA dataren sortzailea eta CEOa, eta Kontxi San Juan Gómez, Viralgeneko Giza Baliabideen zuzendaria, izan ziren sarituak. Batak Gipuzkoako enpresari onenaren saria jaso zuen eta besteak zuzendari/profesional onenarena. Ekainean, 15ean, ASPEGI ELKARRIZKETAK-ren zazpigarren edizioaren hilabetea izan zen, oraingoan erabaki-postuetan dauden Emakumeak ardatz hartuta. Hizlari hauek aritu ziren: Itziar Epalza Urkiaga, Nerea Aramburu Eizmendi, Nerea Aranguren Achótegi eta Maider Barahona Fernández. Urte amaierara hurbilduz, azaroaren 16an, "Berdintasun eta aniztasun kudeaketa baterantz" IX. FOROA egin genuen, aniztasunean aditua den Myrtha B. Casanova Mederos-ekin eta ondoren, Sara Jaurrieta Sainz eta Lara Zubimendi Iraolarekin mahai-ingurua izanik. Genero-ikuspegia duten ENCUENTROS - TOPAKETAK, urtean zehar konektatuta egoteko aukera eman digute. Zazpi saio egin ditugu, ardatz bera dutenak, "Emakumeek kudeatutako enpresetan digitalizazio-erronkei aurre egitea", osotasunetik landuta eta topaketen saio bakoitzean hainbat aditu izanda, geure burua aztertzen, prestatzen eta erabakiak hartzen lagundu digu. Hori bai, Topaketen funtsa ahaztu gabe, gure artean eta beste emakume batzuekin sare profesionalak eraikitzea, indartzea eta antolatzea.

2022an elkarrekin egin dugu aurrera, helburu berarekin: enpresari eta/edo profesional eta zuzendaritza gisa, gure interesak defendatzea eta emakumearen giza-balioak, sozialak eta profesionalak garatzea. Datorren urtean ildo beretik jarraitzea nahi dugu, Berdintasunean oinarritutako Gipuzkoa bat lortzearen helburuarekin.

Kontaiguzu pixka bat zutaz.

Eva Galán Arratibel naiz, 48 urte ditut, Donostian bizi naiz eta industria-ingeniaria naiz.

20 urte baino gehiago daramatzat Euskal Herriko industria enpresa handi batean lanean, lehenik, ikerketa eta garapen arloan eta ondoren, diseinu sailean, taldeak gidatzen eta proiektuak hasieratik amaierara kudeatzen.

Asko gustatzen zait irakurtzea eta ikastea, era guztietako gaiei buruz ikastea. Era berean, teknologia maite dut, gauza desberdinenek nola funtzionatzen duten ulertzen ikertzea eta elkar ulertzeko moduan, gai konplexuei buruz komunikatzeko eta prestatzeko erraztasuna dut.

Zertan datza Hazlo online proiektua?

Beren negozioa sortu edo online mundura eraman nahi duten ekintzaile txikiei eta ETEei laguntzen diet, bai eta aktibo digital batzuk dituztenei (webgunea, programa digitalak, online akademia, etab.), baina ez dakitenei horri errendimendu handiena nola atera.

Nire laguntza eskaintzeko moduak honako hauek dira:

• Prestakuntza marketin digitalari buruz (online edo aurrez aurre).
• Lortu nahi diren helburuen arabera eta modurik onenean orientatzeko, online negozio bat sortu edo hazteko aholkularitza pertsonalizatuak.
• Negozio-auditoretzak, puntu kritikoak hautemateko eta horiek konpontzeko neurrira egindako plan estrategiko bat eskaintzea.
• Bezero bakoitzak behar duenaren arabera, aholkularitza edo auditoretzetatik sortutako proiektuak gauzatzea.

Proiektu horiek, gutxieneko eragiketa bideragarri digital bat sortzetik (bezeroen datu-basea, negozioko oinarrizko webgunea, hitzorduak erreserbatzea eta online ordaintzea, programa digitalak sortzea, etab.) merkaturatzeetan saltzeko eta laguntzeko inbutu automatizatuak diseinatu eta gauzatzeraino alda daitezke.

Nola hasi zinen proiektuarekin?

Nire kabuz lanean garatzen joan nintzen gaitasunak osatzeko, pandemia baino lehentxeago gaitasun berrietan formatzen hasi nintzen.

Garapen pertsonalaren, negozioaren, marka pertsonalaren, marketin digitalaren eta abarren esparruan gauzatu nituen programa asko, online ikastaroak eta mentoriak izan ziren. Negozio digitalen funtzionamenduari buruz gehiago jakitea erabaki nuen eta lehenengo, Project Manager digital gisa (enpresa digitalen eragiketen zuzendari moduko bat) eta gero, coach edo negozio digitalen aholkulari gisa ziurtatu nintzen.

Ezagun batzuk, beren negozioak digitalizatzeko laguntza eskatzen hasi zitzaizkidan eta horrekin batera, ekintzaileek eta ETEek, gaur egun online saltzeko dituzten behar eta arazo zehatz batzuei erantzuna eman niezaiekeela ikusi nuen.

Zergatik erabaki zenuen ekitea?

Pertsona baliagarri bat izatea eta pertsonen autonomia nire ingurura jasotzea gustatzen zait, nire ezagutza haien zerbitzura jarriz eta enpresa handietan, baliabide asko dituzten arren, proiektuen konplexutasuna dela eta, zaila da epe laburrera emaitzak ikustea.

Horregatik, nire kabuz, online presentzia garatuz eta indartuz, proiektuak bultzatu eta haztea ahalbidetzen duen jarduera bat ekitea erabaki nuen. Era berean, digitalizazioari eta automatizazioari dagokienez, eguneratuta egoteko eta ikasten jarraitzeko aukera izanaz.

Zeintzuk dira zure proiektuaren onurak?

Gaur egun, tresna digitalei eta online negozio bat eraikitzeko estrategiei buruz informazio-iturri ugari daude eta horregatik, proiektu bakoitzerako estrategiarik egokiena zein den erabakitzeko beharrezko irizpideak izatea zailagoa da.

Hazlo online-ek, tresna horien erabilera bultzatu eta negozio digitalean sorrera sustatzen du, negozio bakoitzaren ezaugarrien neurrira egindako laguntza pertsonalizatutik abiatuta.

Zer aholku emango zenieke etorkizuneko ekintzaileei?

Ekitea planteatzen ari diren emakumeei eman diezaiekedan aholkurik onena, beren produktuan edo zerbitzuan baino gehiago (hau ahaztu gabe), eman nahi duten konponbidean arreta jartzea eta merkatuaren zati batek duen benetako arazo bat konpontzen dela egiaztatzea da.

Saltzen duguna formaz aldatu daiteke baina argi badugu nori zuzentzen garen eta zeintzuk diren bere arazoak, bere espektatibak beteko dituen irtenbide bat garatzeko bidean egongo gara.

Email: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. 

Web-orria: https://hazloonline.com, Newsletter-ean inskribatu zaitezke. Bertatik, sarri eta dohain, negozio digital bat sortzeko eta hobetzeko aholku praktikoak bidaltzen ditut. Bertan itxarongo zaitut!

Kontaiguzu pixka bat zutaz.

Aholkularia, EMCCk egiaztatutako coach-a eta Irudi, Protokolo eta Adimen Emozionalean espezializatutako hezitzailea naiz.

Protokoloan aholkulari gisa, hainbat erakundetan lan egiteko aukera izan dut, bai ekitaldien protokolo-kudeaketan, bai barne-eskuliburuen garapenean, baita aholkularitzak eta prestakuntzak egiten ere. Gaur egun, Donostiako Nazioarteko Zinemaldiko eta Musika Hamabostaldiko protokolo saila kudeatzen dut.

Irakasle gisa, irudi- eta protokolo-prestakuntza ematen dut, bai enpresetan, bai ikastetxeetan, aurrez aurre eta online. Gaur egun, Basque Culinary Centerren, UOCen eta Madrilgo Unibertsitate Europarrean irakasle kolaboratzailea naiz.

Partikular bezala, nire webgunearen bidez egiten ditut prestakuntzak, komunikazio pertsonala lantzeko interesa duen edonorentzat. 

Coach eta irudi-aholkulari gisa, erakundeetan eta zuzendaritzan lan egiten dut, komunikazio pertsonal eraginkorraren prozesuak erraztuz. Coaching eta irudi-aholkularitzako zerbitzuak ere maila partikularrean egiten ditut eta horri esker, autoestimua eta ikusgarritasuna hobetzeko prozesuetan espezializatu naiz.

Nola hasi zen zure proiektua?

Nire proiektua oso modu natural eta progresiboan hasi zen. Beti izan dut nire aholkularitza- eta prestakuntza-negozioa izango nuelako susmoa. 2011n marka pertsonalari buruzko tailer batean lehen aldiz izan nintzenean jabetu nintzen horretaz. Orduantxe hasi nintzen norabide horretan urratsak ematen.

Zer zerbitzu eskaintzen dituzu?

Enpresa eta erakundeentzako zein partikularrentzako zerbitzuak eskaintzen ditut.

Enpresen eta erakundeen esparruan, protokoloarekin, irudiarekin eta komunikazio pertsonalarekin lotutako zerbitzuak eta prestakuntzak egiten ditut. Batez ere honako zerbitzu hauek: protokoloko barne-eskuliburuak, ekitaldietarako aholkularitzak eta ekitaldietarako protokolo-zerbitzuen garapena.

Eremu pribatuan, partikularrean, prestakuntza, irudi eta komunikazio pertsonaleko aholkularitzak eta coaching pertsonaleko prozesuak egiten ditut.

Zerk bultzatzen zaitu ekitera?

Proiektu eta profesional desberdinetatik partekatzeko eta ikasteko gogoak. Espezializatu naizen eta hain gogoko ditudan arloetan prestakuntza eta zerbitzuak konbinatu ahal izatea izan zen izan nezakeen bultzadarik onena eta motibaziorik handiena.

Zer asmo dituzu etorkizunerako?

Garapen pertsonal eta profesionaleko prozesuetan pertsonei laguntzen jarraitzea, bereziki, bai enpresa- edo erakunde-mailan.

Web-orria: www.ainaramonasterio.com 

Instagram: https://www.instagram.com/ainara_m_a/ 

LinkedIn: https://www.linkedin.com/in/ainaramonasterio/ 

Email: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. 

Kontaiguzu pixka bat zutaz.

Oihana Marco naiz, psikologoa (EHU) (GZ03055), antropologoa eta argazkilaria.

Generoari, islamari eta immigrazioari buruzko proiektuetan ikertzaile gisa lan egin dut eta beloan espezializatu naiz Londresen eta Bartzelonan.

2014tik aurrera, urte bereko Emakumeen Begirada Festibalean, artista eta argazkilari gisa ezagutarazi nuen neure burua, nire inguruan erretratatzen dudan emakumeekin egindako argazki-lanaren bidez. Artista gisa, Donostian, Zaragozan, Bartzelonan, Tolosan, Bruselan eta abar egin ditut erakusketak.

Fototerapian ere trebatu naiz, Malagako Unibertsitatean. Harrezkero, Bilboko Arte Ederren Museoan, Malagako Centre Pompidou-ean, Malagako Unibertsitatean, Ellacuria Fundazioan eta abarren lan egin dut, bazterketa-arriskuan dauden emakumeei, errefuxiatuei eta nerabeei tailerrak emanez. Ahalduntze-tailerrak ere ematen ditut zentro pribatuetan eta argazkigintza artistikoari eta emozionalari buruzko saioak eskaintzen ditut emakumeentzat.

Emakumeen arima erretratatzea eta argi propioz distiraraztea asko gustatzen zait. Nire leloa honako hau izanik: “Zu ikusiz ezagutu” “verte para conocerte”

Nola hasi zen zure proiektua?

Lehenengo, "Slow photography" saioekin hasi nintzen, nire lagunei krisi pertsonalean edo autoestimu baxuko egoeretan hobeto sentiarazten lagundu nahi nien. Argazkilaritza-saioak erritmo motelean eskaintzen nizkien, estudiorik eta artifiziorik gabe, lagun giro seguru eta intimoan. Lagunak erretratatzea asko gustatzen zitzaidan baita beraiek bere buruan ikusten ez zuten edertasuna erakustea. Impact Hub Donostiri esker, saio horiek profesionalizatu nituen, ekintzailetza-prozesuan lagunduz eta eskaintzen nuenari balioa emanez.

Geroago, depresio baten ondorioz, argazkigintzaren bidezko autoezagutza- edo ahalduntze-tailerrak sortu nituen. Depresio horretan, modu intuitibo eta inkontzientean, autoerretratua neure burua adierazteko eta sendatzeko erabiltzen hasi nintzen, gu baikara argazkiak atera eta egiten duguna. Horrek argazkigintza terapeutikoari buruz gehiago jakin nahi izatera eta prestakuntza jasotzera eraman ninduen. Nire aurreko prestakuntza guztien gailurra izan zen. Jendeari sormenaren eta psikologiako prestakuntzaren bidez lagundu niezaiokeela ikustea adierazgarria izan zen. Artea, gizarte-kontzientziarik eta besteei lagundu gabe ez dut ulertzen.

Zer zerbitzu eskaintzen dituzu?

Aipatu dudan bezala, nire proiektua argazkigintza autoezagutzarako eta ahalduntzerako tresna gisa erabiltzean oinarritzen da baina baita produktu artistiko bakarra eskaintzean ere. Psikologo eta antropologo gisa ematen dudan prestakuntzak beste ikuspuntu bat, enpatia eta gizakiaren ulermena ematen dizkit. Nire tratua gertukoa eta sentikorra da.

Eskaintza:

• Slow photography argazki-saioak: ahalduntze eta autoezagutza dosi bat oparitu nahi duten eta elkar ezagutzeko eta maitatzeko elkar ikusten ikasi nahi duten emakumeentzat. Nire ikuspuntua eskaintzen diet, beren burua hobeto ikus dezaten.

• Beste artista eta ekintzaile batzuei zuzendutako argazki-saioak, beraien proiektua ondo adierazten duten argazkiak behar badituzte eta beren esentzia islatu nahi badute.

• Argazkigintzaren bidezko autoezagutzako, garapen pertsonaleko eta introspekzioko tailerrak, maila publikoko (erakundeak, elkarteak, GKEak, museoak...) eta pribatuko kolektibo guztientzat.

• Neurrira egindako hezkuntza-proiektuak ere diseinatu nituen; izan ere, diseinatu nuen azkena Malagako Unibertsitaterako izan zen, nerabeentzako institutuetan autodefentsa bisualari, eraikuntzari, estereotipoei eta publizitateari buruzko tailer bat emateko.

Zerk bultzatzen zaitu ekitera?

Gakoa aurrez finkatutako bideek, naizena izaten ez zidatela uzten izan zen eta nire ezagutza akademikoa, artistikoa eta terapeutikoa adierazten.

Beti izan naiz inkonformista bat eta beste herrialde batzuetan (Erresuma Batuan, Australian, Frantzian, Italian...) egindako egonaldiek, ekintzaile batzuen bizipenak erakutsi zizkidaten. Ekintzaile horiek aurkitu zuten zer ziren eskaintzeko modua eta zer egiten zuten modu independente eta originalean ekinez.

Merezi izan du ekitea?

Ez da bide erraza eta zalantzazko bidea da baina ez naiz zoriontsua inon eta sortu, lagundu eta eskaini egin behar dut, modu original, askotariko eta zabalean. Iraupen lasterketa bat da, baina merezi du.

Ekiteak beti erne eta etengabeko prestakuntzan egotea eskatzen du, baina ez dut inoiz amore eman nahiz eta orain, Instagrameko kontua hackeatu didaten eta jarraitzaileak eta urteak galdu ditudan.

Ekitea prozesu terapeutiko bat bezalakoa da, etengabe zalantzan eta hazkunde pertsonalean egotea eskatzen duena. Gauza bat bestearen eskutik doa, ezin da ekin eta hazi galdera egokiak egiten ez badizkiozu zeure buruari eta aldizka ibilbidea birkalkulatzen ez baduzu, beldurrei eta segurtasunik ezari aurre eginez.

Zer asmo dituzu etorkizunerako?

Frantzian bizi ondoren, orain Donostiara itzuli naiz eta, beraz, nire lehentasuna nire kontaktuak berreraikitzea, sare berriak sortzea eta hemen sendotzea da.

Epe luzera, proiektu artistiko-kultural, pedagogiko eta terapeutiko gisa, nazioarteko sinergiak sortzea ere gustatuko litzaidake.

Azkenik, GKE baten bidez (Europatik kanpo) emakumeekin egindako proiekturen batean parte hartzea gustatuko litzaidake, non argazkigintza autoadierazpen-modu gisa erakutsi ahal izango dudan eta emakume horiek bidaiatzeko eta ikusteko erakusketa bat sortu ahal izango dudan.

Web-orria: http://www.oihanamarco.com/

Zerbitzuak: http://www.oihanamarco.com/servicios.html

Instagram: https://www.instagram.com/oihanamarco_photography/

Facebook: https://www.facebook.com/oihana.marco/ 

LinkedIn: https://www.linkedin.com/in/oihana-marco-9906232a/

2014an Nazio Batuek ezarritako Emakume Ekintzaileen Nazioarteko Eguna dela eta, datorren azaroaren 19an ospatuko dena, EmakumeEkin, Euskadiko Emakume Ekintzaile eta Enpresarien elkarteak, genero-ikuspegia duten ekintzailetzarekin lotutako euskal elkarteekin batera, Euskadiko Administrazio Publikoko ordezkariengana jotzen dugu, emakume ekintzaileen behar eta eskari hauek kontuan hartzeko eta herrialde berdinzaleago, kohesionatuago, lehiakorrago eta iraunkorrago bat eraikitzeko helburuarekin.

1.      Ekintzailetzan desberdintasun ekonomikoak neurtzea

Gaur egun, ez dakigu zein den euskal emakume ekintzaileen errealitate ekonomikoa ezta zein da ekiten duten gizonekiko konparazioa ere. Emakumeek zenbat irabazten duten eta  gizonezkoak zenbat irabazten duten jakin behar dugu, zer onura lortzen duten, zenbat kotizatzen duten, azken batean, desberdintasun ekonomiko hori nolakoa den norberaren kontura.

Euskal Behatzaileen Behatokiak egindako Global Entrepreneurship Monitor – GEM bezalako azterlanak, emakumeek eta gizonek ekintzailetzan duten parte-hartzeari buruzko datu ugari biltzen ditu eta parte-hartzean[1], berdintasunezko agertokia marrazten dute . Hala ere, dauden azterlanek norberaren konturako langileen artean errealitate ekonomikoan ez dute islatzen zer alde dauden; beraz, informazioa osoa falta zaigu.

Bestalde, Euskal Autonomia Erkidegoan soldata-arrakalaren egoeraren diagnostikoan jasotako datuetatik ondorioztatzen denez, Jardunaldi Enpresarialen Koordinazioan % 19,5eko soldata-arrakala dago (6.331,55 €)[2]. Datu horiek besteren konturako langileei dagozkie; beraz, ekintzailetzan ez da hartzen emakumeen eta gizonen arteko alde hori.

Nahiz eta norberaren kontura lan egitea, gizonen eta emakumeen arteko ordainsaria parekatzeko lan alternatibo gisa har litekeen, 2014an NDF-ak ELGAko herrialdeetan besteren konturako lan egitean soldata-arrakala % 16koa dela adierazi zuen, norberaren konturako lana % 28ra igotzen delarik. Era berean, Lan eta Ekonomia sozialeko Ministerioak eta Langile Autonomoen Elkarteak jasotako datu berriekin "Lan autonomoa eta generoaren araberako diru-sarreren arrakala" txostenean, emakume autonomoen diru-sarrerak txikiagoak direla, ahulagoak dira, eta, azken batean, soilik emakume izateagatik sortzen diren arazoak adierazten dira. Zaurgarritasun hori bereizkeria anizkoitza sufritzen duten emakumeen kasuan handiagoa da.

Gainera, negozio-bolumenaren arabera, emakume autonomoen enpresak gizonezkoenak baino txikiagoak direla adierazi du. Horrela, inkestatu gehienek, % 27,7k, 15.000 €-tik beherako urteko negozio-bolumena izatea esaten dute, eta 5 gizonetik 2k beren negozioek urtero 46.000 €[3] baino gehiago fakturatzen dutela baieztatzen dute.

Guzti horregatik, euskal administrazioari, Euskadin norberaren konturako lanean dagoen eten ekonomikoaren egoera ezagutzeko egin beharreko azterlanak egin ditzala eskatzen diogu, politika publikoak eta ekintza positiboak abian jarri ahal izateko. Txosten horiek, ziurrenik, genero-arrakala murriztuko dute.

2.      Zaintzaileentzako, adingabeentzako eta menpekotasun egoeran dauden pertsonentzako kotizazio-kuota espezifikoa sustatzea.

Euskal administrazioari eta Euskal Autonomia Erkidegoko erakundea ordezkatzen duten alderdi politikoei, Estatuko administrazioaren aurrean zaintzaile autonomoentzat berariazko kotizazio-araubidea eskatzen diogu, menpekotasun-egoeran dauden seme-alabak edo senideak izanda ere. Baita, esparru bat edo gomendio komun batzuk ezartzeko esakera Europar Batasunari, herrialdeei norberaren konturako langileen kuotak homogenizatu ditzatzela eskatuz.

Ekintzailetzan emakumeen eta gizonen arteko egiturazko desberdintasuna maila globalean ere gertatzen da. Beste lanbide-eremu batzuetan bezala, emakume ekintzaileek familia-zaintzaren karga handiagoa jasaten dute, gizonezko ekintzaileek baino – besteren konturako langileekin gertatzen den bezala. Horrek, kasu askotan, ekintzailearen guztizko garapen potentziala eragozten du eta, ondorioz, erretirora emakumeak kalkulu-oinarri txikiagoekin iristen dira, eta norberaren kontura lan egin duten emakume adinekoen pobretzea ekarriz.

Dauden datuek, baieztapen hori bermatzen dute. Emakume autonomoen batasunak, UATAEk , adierazitako 2020ko urtarrileko datuen arabera, pentsio guztien gainean (ezintasuna, erretiroa, alarguntasuna eta zurztasuna barne) langile autonomo guztiek soldatapekoek baino % 37,1 gutxiago dute (1.096,5 euro erregimen orokorrean, 689.3 euro autonomoen erregimenean). Horri, emakume autonomoak batez besteko pentsioa gizonena baino % 27,2 txikiagoa dela gehitu behar zaio.Hau da, emakume autonomoak soldata-arrakala bikoitza jasaten du eta bere batez besteko pentsioa, 586,09 euro, % 47 txikiagoa da, erregimen orokorreko 1.096,5 euroko batez beteko pentsiotik. Zainketen pisua konpentsatuko duten neurriez baliatzean, administrazio publikoak pertsonak zaintzaileak kontuan hartu beharko lituzteela uste dugu, adibidez, itsasoan lan egiten duten langileei aplikatzen zaizkien konpentsazioen antzekoak.

3. I + G + b, teknologia eta teknologiarako laguntzetan genero-ikuspegia txertatzea.

EAEko administrazioari eskatzen diogu azterlan bat egin dezala, azken urteetan laguntza nagusiak jaso dituzten erakundeak zer motatakoak diren eta, horrela, jakin ahal izango da zein neurritan lagundu den emakumeak buru dituzten enpresak, -askotan 1 edo 2 pertsonako mikroenpresak laguntza publikoetatik kanpo geratzen direnak. Horrela, hautematen dugu laguntzak jaso ahal izateko enpresa tamaina jakin batek genero-joera izan dezakeela eta hori sahietsi daiteke.

Horregatik, beharrezkoa da, alde batetik, emakumeak eta gizonak buru dituzten enpresen fakturazioaren tamaina eta bolumena ezagutzea; eta, bestetik, EAEn emakumeak edo gizonak buru dituzten enpresak laguntzen onuradunak diren. Hau da, sexuaren arabera bereizitako datuak ezagutu behar dira. Hau da, beharrezkoa da sexuaren arabera bereizitako datuak ezagutzea enpresa onuradunen liderren artean, I +G +b, teknologia edo eraldaketa digitaleko materialetan diharduten enpresak, besteak beste, laguntza horien genero-inpaktua zein den jakiteko, eta, hala, beharrezkoa izanez gero, neurri zuzentzaileak hartu ahal izateko.

Badakigu emakumeen eta gizonen artean gizarteko hainbat esparrutan dagoen desberdintasun soziala ezabatzeko urratsak eman direla. Arlo askotan oinarritutako eta dokumentatutako errealitatea. Berdintasunaren aldeko urratsak eman dira ekintzailetzan ere, baina beharrezkoa da aurrerapauso horien aldeko apustua egiten jarraitzea, benetako berdintasuna lortze aldera.

Euskal emakume ekintzaileok Euskadiko egitura ekonomikoaren zati garrantzitsu bat osatzen dugu, eta administrazio publikoak kontuan hartu behar ditu egiturazko desberdintasunaren ondorioz emakume ekintzaileen eta enpresarien jarduera ekonomikoaren garapenari eragiten dioten inguruabarrak. Are gehiago, Eusko Jaurlaritzak 2023an soldata-arrakala txikiena duten Europako herrialdeen artean egoteko helburua adierazi duenenan, eta gai horretan emakume ekintzaileen beharrak sartu beharko lituzke.

Hori guztiagatik, euskal administrazio osoari eta Eusko Legebiltzarreko ordezkariei manifestu honetan jasotzen ditugun neurri zuzentzaileak aztertzea eta aplikatzea  eskatzen diegu.

2022ko azaroaren 14an, Donostian.

Sinatzaileak:

AED-Bizkaiko Emakumezko Enpresari eta Zuzendarien Elkartea
Ampea-Arabako Emakume Profesional eta Enpresarien Elkartea
Ekintzailetzaren genero-ekitaterako elkartea- Emakume migratu ekintzaileak
Aspegi-Gipuzkoako Emakume Profesional eta Enpresarien Elkartea
COAVN-Arkitektoen Elkargoko berdintasun arloa Gipuzkoako ordezkaritzan
Bizkaiko Psikologia Elkargoa
Ekonomisten Euskal Elkargoa
Mugarik gabeko ekonomilariak
EmakumeEkin – Euskadiko Emakume Ekintzaile eta Enpresarien elkartea
Hemen elkartea. Ikus-entzunezko eta arte eszenikoetako emakumeak.
Impact Hub Donostia S. Coop
Saskia Landa-inguruneko emakume ekintzaileen eta enpresaburuen elkartea
SMyE: Emakumeak eta Enpresaburuak gara Elkartea
Wikitoki Elkarsorkuntzarako Laborategia

Azaroak 19ko manifestu osoa