- Deitu943 47 14 45
- Idatziaspegi@aspegi.org
2022ko azaroaren 16an, Donostiako Miramongo Parke Teknologikoan, ASPEGI Foroaren bederatzigarren edizioa egin zen. Bertan, 85 emakume eta gizon bildu ginen eta YouTuben Streaming bidezko emisio bat ere eskuragarri egon zen entzule gehiagok ikus zezaten. ASPEGIko zuzendari, Nerea Ibañez Garcíak aurkeztu zuen, lurraldeko hainbat erakunde publiko eta enpresa garrantzitsuren ordezkariak zeudelarik. Nerea Ibañez Garcíak, ASPEGIko zuzendariak, elkartearen izenean ekitaldiari hasiera eman zion eta FOROko eztabaidan moderatzaile izan zen. Bertaratutakoak, gizarte-, enpresa- eta lanbide-esparru desberdinetakoak ziren, eta, horri esker, beste eremu batzuetan egindakoekin aurkeztutako rolak identifika daitezke.
Gure foro guztietan funtsezkoa da ekitaldia testuinguruan jarri eta moderatzen duen pertsonaren figura. Aurten aniztasunean aditua den Myrtha B. Casanova Mederos izan dugu gurekin.
Myrtha B. Casanova Mederos Aniztasuna Kudeatzeko Europako Institutuaren sortzailea da, eta eskualde eta hirietan, enpresetan eta erakundeetan aniztasuna kudeatzeko politika estrategiko bat ezartzen, ikertzen eta laguntzen du.
Lara Zubimendi Iraola, Donostiako PwC-ko bulegoko Zuzendaria eta Euskal Autonomia Erkidegoko transferentzia-prezioen arloko espezialista, eta Sara Jaurrieta Sainz, KATEALEGAIA TALDEKO Pertsonen Zuzendaria osatuko dute mahai-ingurua.
Lara Zubimendi Iraola International Degree on Management-en lizentziaduna da Nafarroako Unibertsitatean, eta Aholkularitza Fiskaleko Masterra du Enpresa Institutuan (IE). Gaur egun, PwC-ren Donostiako bulegoko Zuzendaria da, eta Euskal Autonomia Erkidegoko transferentzia-prezioen arloan aditua.
Sara Jaurrieta Sainz Zuzenbidean eta Soziologian eta Zientzia Politikoetan lizentziaduna da Euskal Herriko Unibertsitatean (EHU), eta Administrazio Publikoko Postgradua du EHUko Zuzenbide fakultatean. Gaur egun, Pertsonen Zuzendaria da KATEALEGAIA TALDEAN.
Ekitaldiarekin hasteko, gure presidenta Nerea Ibañez Garciak eman zion hasiera FOROari, eta Myrtha B. Casanovari pasa zion hitza. Myrtha aretora bertaratu ziren guztiei bere burua aurkeztu zuen, ondoren Aniztasunaren gaia jorratuz. Aniztasunaren gaia lehenik hitzaren kontzeptuan sartu zuen, hau da, berak aniztasun gisa zer ulertzen zuen azalduz eta persona guztiak berez anitzak garela erakutsiz; gure jatorriaren, hizkuntzaren, ile-kolorearen eta abarren arabera, ez dago pertsona bakoitza bezalako parekorik. Ondoren, aniztasuna enpresei helarazi nahi izan zien, eta bertan adierazi zigun bazeudela inkestak enpresei eginda, beren enpresentan aniztasuna nola sentitzen zuten galdetuz; gehienek babestu eta birtxertatu beharreko zerbait bezala ulertzen zuten, baina ia ez zegoen enpresarik dibertsitatea erakundearen barruko berrikuntza-estrategia gisa identifikatzen zuenik.
Izan ere, talde homogeneo batean, berrikuntza ia ez da existitzen, ez baitago beste modu batean pentsatu edo jardun dezakeen pertsonarik. Horregatik, Myrthak aniztasuna berrikuntzarekin lotzen du etengabe, bere teoria indartzen duten adibide ugari emanez.
Mahai-inguruaren aurretik, bideo bat ikusi ahal izan genuen proiektagailuaren bidez. Bertan, enpresan aniztasuna egoteari buruzko iritzia ematen zuten agintariak agertzen ziren: Elena Leiñena Mendizabal, María Ángeles Benítez Salas, Garbiñe Henry Moreno, Kepa Korta Murua y Pedro Esnaola Latasa hurrenez hurren.
Ondoren, mahai-inguruan parte hartu zuten Lara Zubimendi Iraolak, Sara Jaurrieta Sainz-ek, Myrtha B. Casanovak eta Nerea Ibañez García moderatzailea bezala. Hasteko, Larak eta Sarak beren enpresetan izandako esperientziak azaldu zituzten batez ere, baita enpresa horien barruan aniztasuna emateko haiek bultzatzen dituzten protiektuak ere. Gainera, argi eta harbi hitz egin ahal izan zen genero-aniztasunaz lan-eremuan eta Gipuzkoako Lurraldeko Industria bezalako sektoreetan ikus daitekeen gutxieneko genero-aniztasuna.
Azkenik, galderak hobeto kudeatzeko QR bat erabili zen galdera-sortara iritsi zenean, QRa pantailaren erdian jarriz eta bertaratuek baliabide hori erabil zezaten. Ekitaldia Eider Mendoza Larrañaga Gobernantzako diputatu eta Gipuzkoako Foru Aldundiko bozeramailearen itxierarekin amaitu zuen, laguntzaile guztiak goraipatuz aniztasunari buruz egindako ekarpen eta irakaskuntzengatik eta haien lan eta bizitza pertsonalean aniztasuna nola kudeatzen duten azaltzeagatik.
Aurten, ondorengo networking-a egin ahal izan zen, eta bertan hizlariek hitz egindakoa eztabaidatzen jarraitu zen. Ekitaldi honen edukiera guztiz osatu izana (85 pertsonekin) enpresaren aniztasunari buruz sortutako interesa berresten du, baita Gipuzkoako gure enpresa-sarea berritzen jarraitzea duen garrantzi estrategikoa ere.
Argazki gehiago ikusteko: hemen.
Foroa berriro ikusteko: hemen.
Foroak, bere izaeragatik, edizio bakoitzean hausnarketari elementu berriak gehitzeko lan egiten du, ikuspegi eta ikuspegi desberdinetatik gure gizarte- eta enpresa-errealitateari buruz hausnartzeko eta gizarte berdinzaleago batera eramateko aukera emango diguten elementuak. Horrela, ASPEGI Foroaren VIII. edizioak beste urrats bat ematea eta belaunaldi gehiago sartzea ekarri bazuen ere, edizio berri honetan osagai berri hori aniztasuna da, eta azken helburua da aniztasuna enpresaren balio estrategiko gisa testuinguruan kokatzea, eta balio hori benetan berdintasunezkoak diren erakundeetarako bidean txertatzea/ekarpenak egitea.
Ausardiaz ari gara?
Testuinguru horretan, enpresak aniztasuna erabiltzen ari dira jada, eta oso modu desberdinetan erabiltzen ari dira. Desberdina izatea positiboa ala negatiboa den planteatzen zaigu; izan ere, norbait desberdina denean, bere buruari galde diezaioke ea besteek bezala jokatu beharko lukeen, gehiengoari egokitu beharko litzaiokeen eta desberdintasunak galdu beharko lituzkeen edo, aitzitik, horrela mantendu beharko lukeen. Ateratzen den ondorioa da aniztasuna berez ez dela ez ona ez txarra; ona izango da erakundeentzat, baldin eta ondo kudeatzen eta bideratzen badakite.
Enpresen estrategiek jatorrian jarri behar dute arreta, pertsonei aukera emanez erakundean erabat integratu ahal izateko oztopoak ezabatzeko, eta, ondoren, beren helburu-komunitatea gara dezaten testuingurua sortzeko. Horretarako, hainbat estrategia daude, bai hasieran, aniztasun-sailaren zeregina baita, bai eta helburu-komunitateetan ere, berrikuntza-sailari lotuago baitaude.
Puntu honetara iritsita, geure buruari galde diezaiokegu emakumea izatea: jatorria ala aspirazioa? Emakume izatea desberdina al da? Eta gaur egun, jatorri- edo aspirazio-kontua da? Tradizionalki, emakumeak ezaugarri femeninoak izan behar zituela esaten zen, baina gizon askok ere izaten dituzte: adibidez, sentsibilitatea, ustez femeninoa den atributua, gizon askok ere badutena. Emakumea izateaz gain, jatorria, nortasuna, bizi-esperientzia eta heziketa ere izaten dira, bakoitza bakarra baita eta identitate asko izan baititzake, jomuga. Hau da, emakumeak desberdinak dira gizonak diren modu berean. Denok gara bakarrak, nortasun ugari ditugulako eta horiekin nabigatzen dugulako. Orduan, gure erakundeetan aniztasuna bultzatzen badugu, berdintasun handiagoko erakundeak bultzatzen ari gara?
Ondoriozta genezake bi osagaiek batera joan behar dutela, eta ez dela beharrezkoa gure erakundeetan aniztasuna aitortzeak berekin ekartzea, nahitaez, genero-ikuspegitik berdintasunezkoak izatea. Izan ere, ikerketa eta garapeneko taldeetan genero-aniztasunari begira 2015ean egindako ikerketek egiaztatu zuten emakume kopuru handiagoa zuten konpainiek aukera handiagoa zutela merkatuan produktu berritzaileak sortzeko bi urteko epean.
Horrenbestez, aniztasunaren kudeaketari helduko diogu, desberdintasunak zuzentzeko ikuspegi eta tresna gisa, kontuan hartuta generoak aldi berean beste faktore batzuekin duen lotura, hala nola hezkuntzarekin, arrazarekin, desgaitasunarekin, adinarekin, sexu-orientazioarekin, sexu-identitatearekin, familia-konfigurazioarekin, hizkuntzarekin, enpleguaren prekarietatearekin eta beste inguruabar pertsonal edo sozial batzuekin. Ikuspegi intersekzionalari esker, emakumeak genero-subjektu gisa hartzen dira, eta agerian geratzen dira emakumeek edo emakume-taldeek aurre egin diezaieketen askotariko diskriminazioak.
Horrek guztiak, beti bezala, gogoeta eginarazten digu, begirada gure ingurunera, gure erakundeetara eta gure lurraldera hurbilarazten digu, eta geure buruari galdetzen:
- Berdintasunezko erakundeak behar al ditugu askotariko erakundeetara igarotzeko? Gure erakundeak ezagututa, elkarrekin ekin diezaiokegu?
- Euskadi/Gipuzkoa bezalako ingurune batean aniztasuna jorratzea, zer ekarpen egiten die enpresei?
- Hainbat erakundek indartzen al dute emakumeen presentzia handiagoa duen zuzendaritza baten beharra?
Horrela, ASPEGI IX. Foroak aniztasuna enpresaren balio estrategiko gisa balioetsi nahi du, eta ziur egon behar da askotariko taldea osatzea kontzienteki aukeratzen denean onurak anitzak direla. Talde homogeneoak talde-pentsamenduaren errorean erori ohi direlako, kalitate txikiagoko erabaki subkontzienteak hartzen dituztelako beren iritzia taldearen adostasunera egokitzeko. Talde anitza, ordea, sortzaileagoa eta berritzaileagoa izaten da. Eta ahaztu gabe, nahitaez, erakundeko aniztasunaren kudeaketa bertan dauden desberdintasunei aurre egiteko ikuspegi eta tresna gisa landu beharko litzatekeela, horretarako kontuan hartuta generoak beste desberdintasun- eta/edo diskriminazio-faktore batzuekin aldi berean duen erlazioa.
Gure foro guztietan funtsezkoa da ekitaldia bere testuinguruan kokatzen eta moderatzen duen pertsonaren irudia. Horretarako, Myrtha B. Casanova Mederos izango dugu.
Myrtha B.Casanova Mederos Aniztasuna Kudeatzeko Europako Institutuaren sortzailea da, eta eskualde eta hirietan, enpresetan eta erakundeetan aniztasuna kudeatzeko politika estrategiko bat ezartzen, ikertzen eta laguntzen du. Diversitu Charters garatu zuen DGVrentzat, Europar Batasuneko estatu kideetan berdintasunaren, diskriminazioaren eta aniztasunaren kudeaketaren aldeko politikak sustatzeko sortuak, eta Diversity Journal eta Diversity Legend Estatu Batuetako Profesionalen Federazioak Diversity Pioneer gisa hartzen du. Gainera, Myrtha Artista Anitzen sortzailea da, desgaitasuna duten artisten talentua bultzatzen duen plataforma, haien inklusioa sustatuz.
Lara Zubimendi Iraola, Donostiako PwC-ko bulegoko Zuzendaria eta Euskal Autonomia Erkidegoko transferentzia-prezioen arloko espezialista, eta Sara Jaurrieta Sainz, KATEALEGAIA TALDEKO Pertsonen Zuzendaria osatuko dute mahai-ingurua.
Lara Zubimendi Iraola International Degree on Management-en lizentziaduna da Nafarroako Unibertsitatean, eta Aholkularitza Fiskaleko Masterra du Enpresa Institutuan (IE). Gaur egun, PwC-ren Donostiako bulegoko Zuzendaria da, eta Euskal Autonomia Erkidegoko transferentzia-prezioen arloan aditua. 2006an sartu zen PwC-n, Madrilgo bulegoan, eta multinazional handiekin lan egin zuen transferentzia-prezioen arloko askotariko proiektuetan. Ondoren, 2 urte eman zituen Londresko PwC-ko bulegoan, finantza-sektoreko aholkularitzan, eta 2015ean Donostiako bulegoan sartu zen, Euskal Autonomia Erkidegoko eta Nafarroako transferentzia-prezioen praktikaren buru.
Sara Jaurrieta Sainz Zuzenbidean eta Soziologian eta Zientzia Politikoetan lizentziaduna da Euskal Herriko Unibertsitatean (EHU), eta Administrazio Publikoko Postgradua du EHUko Zuzenbide fakultatean. Gaur egun, Pertsonen Zuzendaria da KATEALEGAIA TALDEAN. Gizarte-ekonomiako enpresa bat da, eta kalitatezko enplegua sortzea eta mantentzea du helburu, gizarte- eta lan-bazterketa jasateko arriskuan dauden pertsonentzat. Enpresa horrek Gipuzkoako enpresen (CAF, Indar, Orona, Irizar...) produkzio-prozesuen azpikontratazio industrialaren munduan egiten du lan. 7 pertsonaz osatutako saila koordinatzeaz gain, kolektibo berezientzat ere lan egiten du. Ezarritako politika nabarmenak: Berdintasun Batzordea ezartzea eta ekintzak garatzea. Ekintzak: hautaketa-protokoloa, harrera-plana, hizkuntza inklusiboa, eten digitala murrizteko ekintzak, berdintasunezko hizkuntzaren erabilera.
DATUAK
- Lekua: Donostiako Parke Teknologikoa, Miramon, Eraikin Nagusia, 11-12 aretoak. Streaming bidez ere jarraitu ahal izango da gure Youtubeko kanalaren bitartez.
- Data: Azaroak 16, Asteazkena
- Ordutegia: 18.30h - 20:30h
BABESLEAK
KOLABORATZAILEAK
