Aspegi foroa

2014. urtez geroztik egiten ari garen moduan, azaroa iristean Aspegi Foroa antolatzen dugu, aurten ere Emakunde eta Nafarroako Rural Kutxaren babesari esker. Aurten jorratuko dugun hausnarketa berdintasun eraginkorra lortzeko garaian gizonen parte-hartzearen beharraz izango da.

Hau dela eta jarri diogu “Gizonak ezinbestekoak dira benetako berdintasuna lortzeko” izenburua jardunaldi hauei. 


Ekitaldi honen helburua ekonomia, gizarte eta lan esparruan emakume eta gizonen arteko aukera eta eskubide berdintasuna lortzen laguntzea da, baita ere ekintza eta ekimen ugari bultzatzea emakumea lan eta enpresa munduan sar dadin, aldi berean bere lorpenak bistaratzen lagunduaz.

Duela gutxi arte, berdintasuna lortzeko garaian gizonezkoak arazotzat hartzen ziren, eta gaur egun, arazoaren konponbidearen zati bezala ikusten zaie. Baina horrela al da benetan? Datuek, gizarte mailan emakumeek gizonekiko duten desberdintasuna, estereotipo eta sexuaren araberako patroi soziokulturalei dagokien portaeraren araberako dela esaten dutela kontuan hartuta; nola jokatu beharko litzateke estereotipo eta patroi soziokultural hauen aurrean? Zein da hezkuntzak honetan guztian jokatzen duen papera? Zer egin beharko litzateke gizonezkoak jada dituzten berdintasun balioak praktikan hezurmamitu daitezen?

Hau guztiari buruz hausnartu ahal izateko, aurten bi hizlari izango ditugu, bere lan, ezagutza eta esperientziatik abiatuta partaidetza hau beharrezkoa den edo ez irudikatzen lagunduko digutenak, partaidetza honen baldintzak azaltzearekin batera.

Horrela atsegin handiz esan dezakegu IV. ASPEGI Foroa datorren azaroaren 13an ospatuko dela San Telmo Museoan, eta gure gonbidatuak ondorengo hauek izango direla:

Lina Gálvez Muñoz: Pablo de Olavide Unibertsitateko, ekonomia, metodo kuantitatibo eta Historia ekonomikoaren sailean Historia eta Erakunde Ekonomikoen katedraduna da. Bertan, Ekonomia, Politikak eta Garapenaren Genero Behatokia (GEP&DO) zuzentzen du. Sevilla eta Lyoneko Unibertsitatean, London School of Economics eta Florentziako Institutu Unibertsitario Europarrean hezia da, azkeneko honetan bere tesi doktorala burutu zuelarik. Ospe handiko Unibertsitateetan irakasle izandakoa da, Madrilgo Carlos III. Unibertsitatean eta Oxford Unibertsitatean, besteak beste.
Organo desberdinen parte izan da besteak beste, Ekonomia Kritikoaren Elkartea (lehendakariordea; 2014-), Emakume Ikerlari eta Teknologoen Elkartea (AMIT) (zuzendaritza batzordea; 2013-), “ATTAC-Espainia”-ko Zientzia Kontseilua (kidea; 2010-). Hainbat ikerketa proiektutan parte hartzeaz gain beste hainbat ere zuzendu ditu, hainbat unibertsitate europear eta amerikarretan hitzaldi, mintegi eta graduondoetan kurtso desberdinak ematearekin batera. Bere ibilbidean zehar sari eta aintzatespen desberdinak jaso ditu; esate baterako, Historia Ekonomikoari buruzko artikulu onenari Ramón Carande saria 1999an edota Andaluziako Juntak emandako “Meridiana” saria 2011. urtean.
Gaur egun, Genero eta Berdintasunarekin lotutako hainbat master zuzentzen ditu. Era berean, lan merkatuan eta genero arrazoiengatik lan eta denboraren banaketan ematen diren aldaketak aztertzen dituen ikerketa bat burutzen ari da. Ikerketa honetan, krisi ekonomikoen eta austeritate politiken genero efektuak ere aztertzen dira.

Josetxu Riviere Aranda: Magisteritzan diplomaduna da eta Emakume eta Gizonen arteko Berdintasunean masterra du Euskal Herri Unibertsitatearen partetik. Maskulinitate eta berdintasunean aditua da. Estatu espainiarrean diharduen Berdintasunaren aldeko Gizonen Sarearen kide da. Sare honek, gizonezkoen berdintasunezko aldaketan inplikatuta dauden gizonen artean sareak sortu eta koordinatzen ditu. 
Era berean, GIZONDUZ programaren laguntza teknikoa burutzen du eta Foro honetan erakunde honen ordezkari gisa parte hartuko du. GIZONDUZ, Emakundek bultzatutako Eusko Jaurlaritzaren ekimena da, 2007ko azaroz geroztik martxan dagoena. Programaren jomuga gizonen artean emakume eta gizonen arteko berdintasunaren aldeko kontzientziazioa, partaidetza eta parte-hartzea sustatzea da. Helburu gisa ondorengo hauek ditu, alde batetik, emakume eta gizonen arteko berdintasuna lortzeko sentsibilizazioa eta konpromezua gero eta gizon gehiagok edukitzea. Bestetik, emakume eta gizonen arteko berdintasunarekin lotutako formakuntza duten gizonen kopurua handitzea eta hauek etxeko lanetan eta pertsonen zaintzan erantzunkidetasuna handitzearen alde lan egitea.
Helburu hauek hezurmamitu ahal izateko, sentsibilizazioa, formakuntza eta etxeko eremuan erantzukidetasunarekin lotutako neurriak hartuko dira. Neurri hauen helburua, emakume eta gizonezkoen arteko berdintasunaren aldeko gizonen partaidetza eta inplikazioa lortzea da, eta gizonezkoen artean aipatutako jomuga lortzeko asmoarekin masa kritiko bat sortzearenarekin batera.

IV. Aspegi FOROA 2017 "Gizonak ezinbestekoak dira benetako berdintasuna lortzeko"

Lekua: San Telmo Museoa, Ekitaldi Aretoa

Data: Azaroak 13

Ordua: 19:00tatik 21:30tara.

IZEN-EMATEA

Etortzea konfirmatu egin behar da:

Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. o 943 326600 ext 5373

“Emakumearen Ahotsa Enpresan” Igo ASPEGI GUNEA antolatu du ASPEGIK

Ekitaldi honen helburua ekonomi, gizarte eta lan esparruan emakume eta gizonen arteko aukera eta eskubide berdintasuna lortzen laguntzea da, bai eta ekintza eta ekimen ugari bultzatzea emakumea lan eta empresa eremuan sar dadin, aldi berean emakumeak esparru honetan garatzen dituen lorpenak bistaratzen lagunduaz. Bertaratu eta parte hartzera gonbidatzen zaitugu.

Gehiago irakurri: Igo ASPEGI GUNEA “Emakumearen Ahotsa Enpresan”

Urte bukaera bitartean prest ditugun ekintzak aurkeztu nahi dizkizuegu. Adi! aldaketak egin bait ditugu.

 ABENDUA

Abenduak 1: Igo ASPEGI GUNEA “Emakumearen Ahotsa Enpresan”
Ekitaldi honen helburua ekonomi, gizarte eta lan esparruan emakume eta gizonen arteko aukera eta eskubide berdintasuna lortzen laguntzea da, bai eta ekintza eta ekimen ugari bultzatzea emakumea lan eta empresa eremuan sar dadin, aldi berean emakumeak esparru honetan garatzen dituen lorpenak bistaratzen lagunduaz.
Bertaratu eta parte hartzera gonbidatzen zaitugu.

Gehiago irakurri: ASPEGI jarduera agenda