Nerea Kortabitarteri elkarrizketa - NK

220926 Nerea Profesional 36

Nerea bertikal 1

Kontaiguzu pixka bat zutaz.

Nerea Kortabitarte naiz, kazetari donostiarra. 20 urte baino gehiago daramatzat komunikazioan eta kulturan. Komunikabideetan kazetari gisa lan egin dut (Telecinco eta Cadena SER), hainbat enpresa pribatu eta publikotan komunikazio arduradun gisa (Fnac, Donostiako Plan Estrategikoa) eta beti egon naiz kultur sektorearekin oso lotuta, jaialdietako eta hainbat kultur proiektutako prentsa-buru gisa.

Gainera, haurrentzako liburu bilduma bat idatzi dut haurtzaroko balioak lantzeko: “Juliette, neska ausarta”, “Juliette eta Lurra izeneko planeta bat” eta “Gora diferentzia, Juliette!”.

Nola hasi zen zure proiektua?

Mailaz maila eta oso modu naturalean. Besteren kontura lan eginez, hainbat proiektu komunikatzeko kultur munduko proposamen oso interesgarriak iristen hasi zitzaizkidan. Eta hor, pixkanaka, kultur sektorean espezializatutako komunikazio agentzia bat sortzeko ideia sortu nuen.
Zer zerbitzu eskaintzen dituzu NK Komunikazio Kulturalean?

Lan egiten dudan kultur proiektuen 360 komunikazioari ekitea gustatzen zait. Prentsa-kabineteko zerbitzua eskaintzen dut komunikabideetan ikusgarritasuna lortzeko, baina sare sozialetarako eduki estrategiak ere sortzen ditut.

Gainera, erakunde, garapen-agentzia eta ekintzaileentzako neurrirako prestakuntzak eskaintzen ditut, beren negozioen komunikazioa eta banakako aholkularitzak landu eta hobetu nahi dituztenak.

Zerk bultzatzen zaitu ekitera?

Nire kasuan, komunikazio eta marketin digitalaren arloan kultura-sareari laguntzeko bokazioak. Komunikazio kulturalak hizkuntza espezifikoa duela uste dut, eta proiektu kulturalek espezializazio hori behar dutela ikusgarritasuna lortu eta beren burua ezagutarazteko.

Ekiteak merezi izan al dizu?

Agentziak urtebete ere ez darama martxan, baina bai, zalantzarik gabe. Maila guztietan profesionalki eta pertsonalki hazi naizela sentitzen dut. Ekitea oso abentura gogorra da, oso bizia, baina dakizuna eta egiten duzuna zure baloreekin lerrokatzen baduzu merezi du.

Etorkizunerako zer asmo duzu?

Agentzia finkatzea eta laguntzaile-talde bat sortzea, modu organikoan hazten joateko.

220926 Nerea Profesional 01