ASPEGIren Ahotsak berdintasuna eta emakumeen lidergoa sustatzen ditu datu eta argitalpenekin

Lehen atal honetan, ASPEGIko bi emakume, Nerea Ibañez García eta Julia Fernandez Ferrer (Elkartearen presidente fundatzailea), Laboral Kutxako hiru ordezkarirekin bildu ditugu: Amaia Enparan Loinaz (Laboral Kutxako eremu-zuzendaria), Naiara Lopetegui Sarasola (Eorbideko Bulego Nagusiko zuzendaria) eta Arantxa Olaizola Aizpurua (Komunikazio arduraduna). Garapen Jasangarrirako Helburuak (GJH), batez ere emakumeentzako aukera-berdintasunari erreferentzia egiten diona, izan dira elkarrizketaren ardatzetako bat. Elkarrizketa horretan, Elkartearen hasierak eta aurre egin behar izan zieten oztopoak gogorarazi dituzte. Emakume enpresari, profesional eta zuzendarien kopuruari buruzko datuak, berdintasun-planak edo etorkizuneko ikuspegiak ere aztertu dituzte.

‘Mujeres con voz propia’ saioaren bigarren atalean ekintzaileen esparruan zentratzen gara, eta horretarako, ekintzailetzara jauzi egin duten eta pertsonei laguntzeko bi proiektu martxan jarri dituzten Emekin programako bi emakumerekin hitz egin dugu. Patricia González Garcíak (‘La sastrería del tiempo’) eta Blanca Salas Aguarónek (‘Brain Connections’) beren negozioak zertan datzan azaltzeaz gain, ekiteko prozesuaren xehetasunez ere hitz egiten digute. Nola sortu zitzaien ideia? Zer laguntza aurkitu dituzte bidean eta zer oztopo aurkitu dituzte? Nola doakie orain? Erantzunak, podcast honetan.

Atal berri honetan bi emakume zuzendari bildu ditugu, Nerea Garmendia Goñi (Plastigaur) eta Sandra Montes Perez (Cometel), emakumeak enpresetako zuzendaritza-taldeetan duen posizioa mahai gainean jartzeko. Emakumeen lidergoaz, ‘iruzurgilearen sindromeaz’ edo azoka profesionaletan gerta daitezkeen egoera deserosoez hitz egin dugu. Baita haien erreferenteak nortzuk diren eta ASPEGIk emakume profesionalen munduan jokatzen duen paperaz ere.

ASPEGI Podcast-eko 4. atal honetarako, Vicky Pizarro kazetariak finkatuta dauden tokiko bi enpresatako buru diren bi emakume elkarrizketatu ditu. Guztiz desberdinak diren bi esparru, baina gauza asko komun enpresaren kudeaketan. Arantxa Goenaga Azkonebietarekin (Goenaga Esnekiak ekoizlea) eta Marta Elipe Urbizurekin (Tilin Talan haur eskolak) hitz egin dugu berrikuntzaz, arriskuez eta negozio-ikuspegiez, emakumearen ikuspuntutik.