X. Elkarrizketak - Emakumeen rola gastronomian

ASPEGI Elkarrizketen X. edizioa ospatu zen ekainaren 12an Basque Culinary Centerren egoitzan, eta 100 pertsona baino gehiago bildu zituen Gipuzkoako gastronomia sektorean emakumeek duten rola ikusaraztea helburu duen topaketa honetan.

“Emakumeen rola Gastronomian – El rol de las mujeres en la gastronomía” goiburupean, ekitaldia hausnarketarako, inspiraziorako eta aldarrikapenerako espazioa izan zen, gastronomiaren arloko emakume erreferenteen eskutik. Mahai-ingurua Gabriela Uriarte Pérez-Villar nutrizionistak eta komunikatzaileak moderatu zuen, eta honako parte-hartzaile hauek izan ziren:

• Arantxa Ayala Bengoetxea, Laia Erretegia (Hondarribia)

• Rebeca Barainca Fernández, Aiten-Etxe Jatetxea (Zarautz)

• Betsy Trejo Salinas, Taquería Doña Chepina (Donostia)

• Lorena Gómez Martín, Chocolates Amari – GOZOAko presidentea

Solasean, hainbat gai garrantzitsu landu ziren: gastronomian emakumeek aurre egin behar dieten erronka espezifikoak, lidergo femeninoa, berrikuntza enpresariala, kontziliazioa eta belaunaldi-erreleboa. Parte-hartzaileek beren ibilbide pertsonalak partekatu zituzten, emakumeen arteko sareak sortzearen, sektoreko enpresa-kultura eraldatzearen eta genero-estereotipoak apurtzearen garrantzia nabarmenduz.



Jardunaldiak erakunde ordezkari ugariren parte-hartzea izan zuen, besteak beste:

Bakartxo Tejeria Otermin, Eusko Legebiltzarreko lehendakaria;
Xabier Ezeizabarrena Almandoz, Gipuzkoako Batzar Nagusietako presidentea;
Miren Elgarresta Larrabide, Emakundeko zuzendaria;
Amaia Arregi Iparragirre, Gipuzkoako Foru Aldundiko Sustapen Ekonomikoko zuzendaria;
Nerea Isasi Beristain, Gipuzkoako Foru Aldundiko Berdintasun zuzendaria;
María Jesús Idoieta Erdocia, Donostiako Udaleko Berdintasun arduraduna;
Itziar Mahave Garmendia eta Jon Bergara Sopeña, Banco Sabadelleko ordezkariak;
Joxe Mari Aizega, Basque Culinary Centerreko zuzendari nagusia.

Ekitaldia Basque Culinary Centerren instalazioetan barrena egindako bisita gidatuarekin hasi zen, eta familia argazki batekin eta hamaiketako informalarekin amaitu zen, ideiak partekatzeko giro gertukoa eskainiz.

ASPEGIren partetik, bihotzez eskertu nahi diegu bertaratu ziren pertsona guztiei, hizlariei, Gabriela Uriarteri moderazio bikainagatik, eta topaketa berezi hau posible egin duten erakundeei.